文匯精選：星爾頓轉場恰對手弱

放大圖片

上周日跑馬適逢父親節，好多馬主仔女都好識做，即使唔鍾意跑馬，都會跟老竇入場參與盛事，例如董事葉澍�i，乖仔及老婆齊齊陪老竇入場，不過，佢呢日就冇馬出，所以冇機會拉埋頭馬，不過，有�灡a庭，老竇同仔都係馬主，咁呢個父親節就大家都快樂，唔使講邊家人，好似蕭百君呢家人咁，「澳斯卡」係佢個仔蕭劍新，贏完馬之後，父子齊齊拉頭馬，呢個父親節，你話過唔過癮。所以，有時一家人，如果有共同嗜好，真係高興好多。

講開父子兵，「威爾頓」（圖4號）馬主鄭強輝，呢個禮拜三有隻「星爾頓」上陣，而佢公子鄭家星亦有隻「蓮花巨星」出賽，無獨有偶，兩隻馬都出戰三班一哩，「蓮花巨星」季內只跑過一次，就係跑呢個一哩路程，雖然冇上名，跑第七名，但輸俾頭馬「牛精仔」只是三個幾馬位，經過一場熱身，呢場只要有少少進步，應該有機會入前三名，不過咁，正所謂黃雀在後，同場老竇隻「星爾頓」根本就超晒，假如大摩要郁手，贏面當然好高。點解咁解，大家睇睇呢場三班賽，評分區域係六十分至八十五分，「星爾頓」本身評八十一分，正路計冇資格跑三班，但遇上呢類特別評分區域，佢就可以上陣，其實，呢隻馬二班都有本錢贏馬，但大摩未有一口氣將隻馬用到盡，吼準有利形勢先至出擊。

當然，呢場數超過八十分�儮磥O馬唔止「星爾頓」一隻，例如新勝呢個路程�鵅u牛精仔」，係八十二分，但大家只要睇一睇，「星爾頓」可以�鬗G班同「天笑」及「豈等閒」於田草千六米一爭，以呢個實力相比「牛精仔」，後者又點係佢�鶗痋A目前大摩擺明車馬要爭冠軍寶座，呢類超級馬，�鰫O個時候正好大派用場，有機會替馬房多添一場頭馬。