 放大圖片
■鄭俊弘
香港文匯報訊（記者 梁靜儀）鄭俊弘（Fred）繼去年十一月開個人演唱會後，相隔不足一年，將於今年九月五日假九展Star Hall再開個唱《紅色演唱會》，他預告正努力操弗，屆時會來一招隱若爆肌，並定下兩年後在紅館開騷的目標。
Fred昨日以一身紅色打扮現身記者會，而昨日場外有近百粉絲舉牌支持。今次開騷最貴票價為六百元，較上次微升二十元，他認為很合理。不到一年便開第二次個唱，Fred表示感覺既興奮又幸運，多謝公司的愛鍚和冒險，比信心給他開騷，現時他正灌錄第二張碟，可望趕及在個唱上唱出來。問到個唱命名《紅色演唱會》，是否代表他越來越紅之意？ Fred否認說：「唔係，而係代表我對音樂的睇法，希望觀眾可聽到我有呢團火，經過呢一年表達自己更成熟一面。」
他又透露這次會加入跳舞新元素，問到是否辣身舞？他笑道：「自己同自己辣身呀？唔係跳勁舞，而係跳到好似Kpop，偏向有氣氛舞蹈。」去年Fred自行鍛練身體，今次特地請教練訓練，希望突破上一次，至於會否爆肌？他說：「唔會太過直接表面去做，會係隱隱若若，（仿效杜德偉大騷身材？）我無杜德偉咁有本錢，我會努力跑步健身，做出成果畀大家睇，（半裸露兩点？）要同導演同造型師夾一夾，睇吓點樣帶出呢點出來。Fred又稱會以紅館為目標，希望兩年後可以達成心願，所以會更加努力。
|
放大圖片
