|
何良馬房近兩季雖然同樣贏二十二場頭馬，成績不算好也不算差，每季必定取得足夠頭馬畢業無風也無浪，但馬房最特別係每在贏馬之時，當日多有其他馬配合出擊，正如剛季試過在三個賽日起孖而回，五月中旬沙田草泥地混合日賽更三元及第。翻查何良上季主力在上半季搏殺，於十月份打開勝門並且在該月贏四場頭馬，其後十一及十二月稍作回氣，並於一月和二月份連場搏殺，該兩月總共取得八場頭馬成績美滿，五月十六日大演帽子戲法之後便未再贏馬，而且五月中至煞科日，何廄馬被捧成為大熱門僅得一匹而已，明顯馬房留有以待，一心留力在新馬季再作搏殺。
何良一向重用本地騎師，正如早已晉身成為大師傅的黎海榮和蘇狄雄，都是何良得意高徒，大家同聲同氣自然搏殺起來得心應手。目前香港馬圈競爭頗為激烈，然而何良並未有改變作風，好似剛季二十二場頭馬之中，有十四場係由本地騎師建功，其中上季尾階段更與梁家俊加強合作，不時更見到有飛到馬到一擊即中鏡頭，但值得留意的是，剛季何良馬房頭馬當中竟未有一駒由黎海榮取勝，上季兩師徒總共合作十九次，成績僅為兩亞四季，見微知著，兩人關係方面明顯有變，新季兩人合作馬若過份被熱捧的話，應抱有多少戒心。
|
