 放大圖片
練馬師沈集成剛季共勝出四十三場，乃開倉以來成績第三高，儘管暑期馬房有「電訊太子」、「創意寶」、「飛躍成功」及新馬V054他投，但明顯是出現馬滿之患才被迫割愛。翻查沈集成自開倉以來，共有十二匹PPG在四班一出即勝，以上馬匹在之後一季，除「按得好」無再上陣，「小母牛」及「危險大軍」只跑一仗無功而回外，其餘全部都有頭馬交出，而且大部份都贏不止一場，其中「小橋流水」及「紅山茶」更在第二季服役時贏得四場頭馬，由此可見，沈集成初出插四班起步即勝馬，翌季往往可以大放異采扶搖直上，此點值得留意。
至於上季沈廄又有兩匹同類分子出現，分別是「刺刀」（圖）及「永旺年年」，兩駒上季各贏兩場後刻意留力，以馬房手法，相信會在新季大展拳腳。「刺刀」一出直路賽即爆半冷開齋，再出加至頂磅兼氣管有血仍能再下一城，兩連勝後馬房隨即安排提早抖暑，擺明唔想揠苗助長，留待今季養好健康再用，質新馬在七月尾已開始重新投入操練，有可能是馬房季初之先頭部隊。「永旺年年」上季插班初出即以四個馬位大勝嶄露頭角，翌仗升上三班取得連捷，第三次上陣雖然倒灶，但唔排除係留力部署，新季轉四歲更加成熟進步，估計起碼有兩場頭馬在手。
|
放大圖片
