|
近季在馬季煞科日前，馬會均舉辦冠軍人馬獎頒獎典禮，而各項獎項之中，最受矚目自然是香港馬王到底花落誰家，而剛季最終由「步步友」以大熱姿態封王之餘，還奪得「最佳一哩馬」及「最受歡迎馬匹」榮膺三料馬王，賽果似乎早在大眾意料之內，但馬王在每人心目中唔同，在唔少馬迷甚至在筆者心目中，應屆香港馬王照計應選由蘇保羅訓練的「友瑩格」，始終牠上季內先後在香港、日本及新加坡三勝國際一級賽，短途實力已得到充份證明，尤其在日本高松宮一級賽一役，在大雨及左轉場地劣勢之下衝贏對手，已盡顯內在鬥心之強。只是賽馬主流較看重中距離賽駒，但「友瑩格」剛季的傑出表現，實在值得令人致敬，而倉主蘇保羅的悉心訓練更肯定要記首功。
蘇保羅前季贏得二十三場頭馬，上季成績大躍進共得三十九場頭馬，升幅高達七成，有此佳績相信季前未必有人估得到，預計新的一季將有不少馬主慕名而來，若然馬房陣容轉強，成績方面隨時可以更上一層樓，甚至衝擊練馬師三甲位置，最後有一點宜特別留意，就是剛季共有三匹轉投蘇廄馬，在初出一役配潘頓上陣，結果憑「競技英雄」、「蜜圈」及「好主意」取得一冠兩亞紀錄，若然新季蘇廄又作相同部署，記得不能錯過。
|
