 放大圖片
■劉青雲(左)大讚湯唯(中)演技厲害。
香港文匯報訊 劉青雲與湯唯首度合作演出愛情電影《三城記》。早前，二人接受有線《電影蒙太奇》訪問，更互相評價一番。
近年較少接拍純愛情片的青雲，解釋接拍該片的原因，他直言：「除咗劇本好，我一直都好想同張婉婷導演合作。」湯唯透露電影劇本已籌備了三至四年，當知道是與青雲做對手時，她的感覺是「嘩！徹底放心晒！」
電影講述主角因戰爭而與身邊人失散，湯唯亦有所共鳴，她說：「雖然我無經歷過打仗，但我喺杭州出世，去北京工作十五年，再來香港工作，現在更嫁咗去韓國，一年得一星期喺屋企，所以我好能體會那種飄泊的心情。」
青雲為電影學習京劇及二胡，他大呻辛苦：「唱歌跳舞對我嚟講係好大的挑戰，而所有樂器表演都要花長時間磨練。」湯唯亦是第一次用樂器演戲，但她則顯得較輕鬆，「我只係希望拍近鏡頭時唔會畀專業人士話差，最緊要節奏、音位無錯，後期配到音就得。」
二人在訪問中互笠高帽，青雲大讚湯唯演技厲害，「佢唔會演好公式的人物，唔係人咁做佢就咁做，佢係搵到自己的感覺做出嚟。」湯唯自爆小時候曾溺水三次，有一次更是爸爸幸運地拯救了她，今次能完成水中拍攝全因青雲，「我對落水有好大的陰影，無青雲我拍唔成這套戲。」青雲則笑言：「唔係我想幫佢，只係因為拍攝時水底得我同佢。」
|
放大圖片
