挑剔揀客 八成專業人士

放大圖片

■Anita指，公司活動約九成參加者擁有大學或以上學歷。 張偉民 攝

娶港女做老婆，要有層樓是常識吧。不過若女方對另一半的身家完全無興趣，男士又會否大吃一驚呢？童叟無欺，地球上真係有「小龍女」的存在，相睇時既不看對方職業，亦不想知年薪多少，只關心個人性格花心定專一；萬一唔小心聽到對方���痗R�鷐h樓，還會生氣嘟囔：「我唔想聽呢�齱I」

並不是港女出現基因突變，實情是她們心知肚明，參加得HK Romance Dating，男士條件唔會差得去邊。官網顯示，HK Romance Dating約九成參加者是大學或以上學歷，約八成是專業人士、管理層或商人。換言之，地�縐k想入亦入唔到。

土豪拜金無得留低

有樓，請提供物業證明；開公司，請提供收入證明；做會計師，請提供CPA證書。別以為只對男士苛刻，拜金女一樣掃地出門。價值觀太特別？性格太輕佻？只想搵靚仔╱女？Sorry，請另尋伯樂。

如是揀客，能夠留低的自然質素好好。也別高興得太早，除非參加單對單約會，否則年齡亦可能成為被拒諸門外的理由。

以5男5女配對活動「Wine Tasting Dinner for Professionals」為例，要求男士是專業人士╱商人╱管理層，女士至少「大學或以上，高貴大方」，不過雙方年紀就差了足足十年，男士限定30歲至40歲，女士21歲至30歲，認真成熟少少都唔得。