 放大圖片
■歐陽震華及萬綺雯買菜期間不停被Fans集郵。
香港文匯報訊（記者 梁靜儀）歐陽震華（Bobby）、萬綺雯（蚊蚊）、王浩信及黃心穎等，昨日到樂富街市宣傳新劇《東坡家事》，眾人分成兩組到街市買菜，其間不停被Fans集郵，最後心穎成功免費買到五花腩，不過心穎就自爆因為忘記畀錢，同組的王浩信就笑她高買是不對的。至於Bobby與蚊蚊亦以優惠價買到一個蜜瓜及冬瓜。事後Bobby承認平日買菜都有優惠，他說：「不過我都會守規矩，買東西會排隊，我又唔會咁狼，買個橙要送個蜜瓜，不過加張相可能個檔口畀埋我。」經常會去街市的蚊蚊，表示檔主會介紹她靚貨，唔靚的會叫她不要買。
年前Bobby曾因急性肺炎入院，問到他可有戒口？他即澄清說：「我唔係長期病患者，那次係意外。我check過，醫生話我健康仲正常過佢，我的壞膽固醇指數剛剛好，好的膽固醇就差少少，所以唔使戒口。」問到太太可有督促他的飲食？Bobby笑說：「我都未同佢計，女性忍口會清晰過男性，我以前以前鍾意食咩就掃晒去，而家會食少少，或者分兩餐。」蚊蚊即大爆兩人日前就狂食涼瓜鹹蛋。
黃心穎買五花腩忘記畀錢
王浩信與黃心穎只用了十五元就買齊五花腩及配菜，Bobby笑指王浩信色誘檔主搞到面青青。王浩信解釋面青是因為前一晚去完新加坡的頒獎禮，執行李至凌晨三點不夠瞓，至於色誘就心穎。問到心穎做過甚麼？她笑說：「我乜都無做過，只係唔記得畀錢。」心穎又透露因兒時曾居於附近，所以舊地重遊很開心。她笑謂小時經常陪媽咪買送，目的是要買肚臍餅，不過現在已少了逛街市。王浩信自言有煮食天份，但太太陳自瑤更有天分，每次出街食完美味的菜色，她都可以照煮一次，所以很多餐廳去完一次之後就唔再去，他幸福的笑道: 「呢個係我既福份。」
日前王浩信在新加坡《星和頒獎禮》中憑《再戰明天》奪得男配角，問到會否對在之後舉行的台慶頒獎禮更有信心？他坦白說：「信心會大些，今年係我入行第十年，亦係第一次在新加坡得獎，係幾好的里程碑！我要多謝《再》劇既拍檔何超儀，從未試過得獎喊，但當晚突然好感動，十年裡的畫面出晒來。」他自言當晚好大壓力，大得爆壓力瘡，因為要表演棟篤笑加唱歌，又加了自己的心聲，但整件事都好開心，由於當晚沒有直播，所以頒獎禮完結後他有自拍給太太睇。
|
放大圖片
