本報消息：金像神話四班佔優

今季到目前為止梁家俊贏得六場頭馬，屬華籍騎師之冠，梁家俊表示，希望繼續取得好成績，保持領先到十二月九日，從而代表本地騎師出戰國際騎師錦標賽。

今季出賽三次越跑越好，剛戰在快活谷三班千二米參戰，於梁家俊胯下勝出季內首場頭馬的「錢照收」，今仗在同程再戰，梁家俊表示：「剛戰首次策騎馬兒出賽，雖然能夠贏馬，其實賽前只預期在前列歸來，因為同場對手『善勝』嘅實力唔曳，而『錢照收』能夠勝出，主要得到一檔慳位之助，而且當日跑變化場地，有助呢匹腳部曾有問題嘅馬發揮，勝後留在三班仍然有利，五歲馬目前健康良好，過往出賽次數唔多，戰鬥力依然強盛，希望可以乘勇再下一城。」

季內上陣多仗表現一般嘅「金像神話」，今仗在快活谷四班一哩參戰，姚本輝安排隻馬交由梁家俊主轡，騎者說：「首次策騎馬兒出賽，賽前做好功課翻看戰績，隻馬性能廣泛，泥草均可以應付，而快活谷一哩去季在三班曾跑入一席第二，所以今仗在四班一哩角逐是有爭勝機會，日前在晨課上策騎出操，走勢不俗，狀態在水準之上，期望臨場有好形勢配合而取得勝仗。」