 放大圖片
■文詠珊(JM) 及黃愷傑。
香港文匯報訊（記者 梁靜儀）文詠珊(JM) 、方健儀及黃愷傑等，昨日到尖沙咀出席慈善義賣活動為痲瘋村小朋友籌款，她表示今次以義務幫手籌款，有機會也想去偏遠的地方探訪，感受深刻，但只係去過一次。JM表示朋友每星期都有個心靈雞湯活動，主要去探訪貧窮的小朋友，除了送物資，還會做心理輔導，因他們很多都是來自單親家庭，心靈好脆弱，但好易滿足。除了探望小朋友，她又試過同老人家去飲茶很開心。
問到男友Carl可有一起去探訪，JM表示自己同好多朋友一齊去，男友很有愛心，他好鍾意小動物。Janice指本來想買隻法國老虎狗，但之前在一個領養動物活動上見到許多被遺棄的動物，於是決定唔買。問到她可有領養動物？JM表示沒有，因自己長期不在港。
JM表示其實屋企都有隻蝴蝶犬，但因為太耐無見，所以已經不認得她。笑問到她將離港半年，可怕男友也不認得你？JM笑說：「咁都唔認得就死啦。（認第二個女仔？）咁都唔需要諗啦，唔會擔心。」
另外，黃愷傑表示今次的活動很有意義，雖然身邊沒有生痲瘋的人，但覺得他們很慘，被人戴有色眼鏡去望，而小朋友是無錯的，只是他們生下來就有這個病。他表示雖然沒有去過山區探訪，但之前在甘肅捐了一個井，因為當地水源缺乏。
|
放大圖片
