 放大圖片
■JW(左)與判刑後首度出席公開活動的DaDa(右)出席活動。
香港文匯報訊（記者 梁靜儀）早前因醉駕被判停牌一兼社會服務令120小時的盧頌之（DaDa），昨日與王灝兒JW等到尖沙嘴出席活動。判刑後首度出席公開活動的DaDa明顯發福，她表示重新出發工作，又自爆事發後，匿埋屋企一個月，情緒出現問題。
問到經此事後會否戒酒？DaDa沒有正面回答，只說：「唔會再酒後駕駛，呢個係好大教訓，人生一個經歷，我係做錯咗，錯就要認，打就企定，要承擔後果。」
之前有傳DaDa與男友趙勁皓（King）分手，而當日DaDa上庭，男方亦未見現身，問到分手傳聞？DaDa否認說：「男友當日要做嘢，多謝佢呢段時間陪我渡過難關、鼓勵我，男友都有嬲我唔夠成熟，但經過呢件事感情都有增進，我哋一直冇分過手，好幸運佢留喺我身邊。」
對於同車的DJ陳達仁批評她判刑太輕？DaDa說：「事發後佢已block咗我，無特登聯絡。我只可以講我承受咗，冇逃避，我無話我無做錯，個官已判罰，畀機會反省。」
JW指G.E.M.謙虛又友善
同場的JW即場獻唱《矛盾一生》，談及其好友鄧紫棋（G.E.M.）近日與經理人及監製在外地接受訪問時再次數落香港傳媒，JW表示有跟G.E.M.傾過，並幫對方解釋，她說：「唔係佢講嘅，佢都好大壓力，每個藝人都唔想有負面新聞，唔係佢控制之內，（可會勸G.E.M.收斂下？）佢個人好謙虛好nice，可能出面啲人唔識佢，佢對朋友very good。」
|
