 放大圖片
■與「本土派」有牙齒印的楊岳橋，被指趁鄭錦滿事件抽水。圖為楊岳橋與「本土派」梁天琦之前在新東補選上對壘。 資料圖片
鼓吹「港獨」的「熱血公民」成員鄭錦滿，因上載視頻號召支持者將公共圖書館內的簡體字書「藏起」，涉嫌盜竊及不誠實使用電腦而被警方拘捕。一直和「熱狗」等激進「本土派」不和的傳統反對派中人，借此事大抽其水。曾在立法會新界東補選中與「本土民主前線」發言人梁天琦對壘的公民黨立法會議員楊岳橋，就在facebook出post，教人毋須犯法，只須向有關部門建議多購繁體字書即可。此post一出，理所當然受到「熱狗」圍攻，批評他「落井下石」、「踩（住）別人上位」。
暗嘲鄭錦滿教「丟書」低智
楊岳橋近日在其fb貼出題為「想正（繁）體中文書遍地開花？」的帖文，稱「唔駛（使）以身試法嘅，狂建議買正（繁）體書刊同資料咪得囉。其實市民可以提議公共圖書館買咩書，一年有8,600萬（元）採購預算（根據2007年審計報告），350萬選民，一人建議一本$30以上嘅書就已經打爆條數。做好公民，兵不血刃，郁下手指就可盡公民責任，你咁醒梗識點做啦！」
該帖文明顯與鄭錦滿號召支持者到公共圖書館將簡體字書「自行下架」有關，「熱狗」即發起圍攻。「熱狗」首領黃洋達之妻陳秀慧就貼文企圖美化鄭錦滿的所為，稱「做好公民個個都識，優雅表態好容易，你講既（嘅）以身試法唔係因為諗唔到你諗到既（嘅）嘢，係做你唔敢做既（嘅）嘢」。眾「熱狗」也批評楊岳橋「向站在前方的人抽刀」、「落井下石正×街」。
吳文遠質疑自製抗爭鬧劇
與激進「本土派」不和的社民連主席吳文遠，也忙不迭在其fb抽水。他雖稱警方以「不誠實使用電腦」罪名拘捕鄭錦滿，是將該條例「無限擴大」，「變相成為網絡廿三條！」不過，他指自己「不認同（鄭錦滿）呢種行為，亦睇唔出咁做與抗爭有何關係」。
吳文遠稱，是次所謂的「抗爭」，「『熱血公民』仲要包裝到係『圖書館戰爭』，......可惜『熱血公民』今次係掉返轉，扮演丑角消滅市民睇書權。其實一本書有冇價值，係咪洗腦，係取決於知識，唔係繁簡體字。」他更揶揄道：「如果消滅簡體字書就叫做抗爭，咁不如先掉哂（晒）黃洋達（所寫）的《金融刺客》（小說）簡體本先啦。嘥時間。」
岑敖暉嘲「泰博」簡體寫論文
學聯前副秘書長岑敖暉也在fb貼文，揶揄當年在北京大學取得博士學位的「熱狗」鄭松泰：「......書本上承載的東西（知識）應該是超越語言的吧。比如說泰博（鄭松泰）的博士論文，我不太相信是用繁體字寫的（如是是的話，那真的有霸氣，我佩服XD），但你不會說他的博士論文因為是用簡體字寫就是一文不值的吧......」
有自稱為「香港共和軍」的激進組織，在其專頁貼上一本部分頁數被撕爛的簡體字書，稱由於鄭錦滿被捕，「本組織將行動升級到『撕殘（簡）體書籍』！」網民「Die Cheung」留言揶揄道，「自己買書自己撕，無話撕人地（哋）既（嘅）！」「林俊夫」也笑稱，「俾（畀）錢買仲戇×！」 ■記者 鄭治祖
兩派支持者「互片」
「熱狗」喪咬
Sin Man Yip：你（楊岳橋）都係想講自己好守法姐（啫）下（吓）話，落井下石！
Yin Mou：梗識盡公民責任，郁下手指啦！落井下石正×街，返去×個大聲公啦！
Jackie Cheng：楊生借四眼哥哥被捕而抽水，如同向站在前方的人抽刀，踩在（住）別人上位，相當虛偽呢。
Jamie Won：律師睇「規條」「指引」「守則」當金科玉律，以為呢個世界所有嘢都跟「程序」（㗎）嘛......
Lam Fong Fong：咁你又攞大聲公開會？做乜行出位咁唔守規矩？
Simon Yip：「強烈建議」係有用既（嘅），特別係對爭取選票有用。
反咬「熱狗」
Joanne Mok：呢啲咪堅有橋囉，唔使吓吓偷書攬炒先叫有用嘅！
Tsui Ho Yee：就連地區網上的居民們都分得清這事件的黑白，我地（哋）連解釋都唔洗（使），其無稽之處可見一斑。
Jessica Ip：好簡單，個小朋友唔識睇簡體字，會唔會拎起本簡體字書先？嘥氣。由頭到尾都係偽命題。圖書館唔係只有/大部分書都係簡體，根本咩問題都無。
Janet Lui：可能有啲人好熱氣，話楊岳橋呢個建議好虛無，但其實阿鄭錦滿都有建議買書喎，好喇，咁即係同一個建議，四眼講就唔虛無喇？個道理响（響）邊？
Janet Lui：叫人守法叫虛偽？叫人犯法係叻仔？（「熱狗」）有時真係智力問題！
Long Ching：「本土」不要小人之心度君子之腹，......要指責批評他都要有理由，而且本人覺得「本土」誤解了楊議員的意思！
整理：記者 鄭治祖
|
放大圖片
