■吳千語表示心中女神是荷里活性感女星Scarlett Johansson。香港文匯報訊（記者 梁靜儀）吳千語、何傲兒、蘇麗珊、名模姚書軼、郭偉亮(Eric Kwok) 及導演火火，昨日出席ViuTV首個實況選美節目《美選D.n.A》招募發佈會，參加者不設年齡或背景限制。自言喜歡睇女仔的吳千語，表示會自薦擔任評審。她表示贊成全民選，自己的評審準則是要有愛心及做好事，而她心目中的女神是荷里活性感女星Scarlett Johansson，雖然她的樣子予人好性感的感覺，所演的角色又很誘人，但睇她訪問時又好爽朗，外表反而沒所謂，像英國靚聲天后Adele身形都豐滿。比賽以真人騷形式進行，千語認為這可讓觀眾看到佳麗真實的一面。問到可想過參加選美？千語說：「細個時親戚叫過我大個去選美，但我從來冇諗過參加。」談到有報道指她與男友林峯家人飯局，但卻與林峯父母零交流，反而跟另一位同行的白髮親戚有偈傾，千語說：「其實成日一齊食飯，白髮那個係男友親戚，因為好少見，同佢步伐又差唔多，所以傾多些。」
選美過來人何傲兒，被問到會否再參加選美？她說：「我無乜所謂，(咁有信心？) 輸了又點，我接受到輸，我當玩，其實我07年選完港姐第二年已經想重賽，邊度跌邊度起返身，不過今年未準備修身，留返下年。」她又稱好期待這個選美節目的真人騷，覺得背後的真實性格最好睇，而且女仔圍埋一定有事發生。她自爆當年選美因為只得十八歲，被人蝦都不知，不過這個人已不在娛樂圈。問到她如何被人蝦？她說： 「那個人成日帶好多零食請人食，但又話自己食飽了，我就係咁食，搞到水腫，壓力又大到沒月經。」問到她可會推薦家姐何傲芝參加？她說：「都會說服下，但反而想推薦身邊的凍齡美女。」