■陳百祥表示首次擔任火炬手，是個人最高榮譽。香港文匯報訊（記者 梁靜儀）陳百祥(叻哥) 昨日聯同朱千雪、劉佩玥(Moon)及鄧佩儀等，到油塘出席《2016里約奧運會 全城迎奧運》活動，將代表TVB到巴西擔任火炬傳遞手的叻哥，表示首次擔任火炬手，是個人最高榮譽。
叻哥受訪時表示多謝TVB及奧運會，這個是他人生最高榮譽，今個星期三凌晨他就會出發到里約，再去福塔雷薩市，六月七日就會代表香港及無綫進行火炬傳遞儀式。
提到寨卡病毒肆虐巴西，叻哥笑言一點也不驚：「我可以單手捉蚊，同埋可能血型問題，我比蚊更毒，我係畸形血，任何人企我側邊都係咬他們，連蚊怕水我都唔需要。」對於有專家提議奧運改期或改地方進行，叻哥認為是沒有可能，因為這不是疫症，當地亦已做好準備。問到太太黃杏秀會否同行？叻哥說：「我得一個『梳化服』，我請唔走其他人，唯有請她去，佢好怕俾蚊咬，所以已準備好防蚊手帶。」
阿Moon近日盛傳主動追求黃宗澤，她否認女追男：「我有睇過報道，但今次連一笑置之個笑都費事，完全生安白造，朋友傳過報道畀我睇，我都無睇，都無hard feeling，因為係假。」問到是否和對方玩得太熱情才有此傳聞？阿Moon指與黃宗澤、張繼聰、蕭正楠及公司同事有一個群組，大家私下關係好好，都會一齊飲嘢，但就沒有和黃宗澤私下單獨聚會。問到見到黃宗澤會否尷尬，她表示：「當然唔會尷尬，戲裡戲外我們都叫佢大佬，佢好錫我們又會教我們，好感恩有呢個朋友。」
現正放假的朱千雪，直言想親身去巴西睇奧運，自己未去過巴西，亦唔識當地語言，所以和公司去較安全，但未收到公司通知。