■容祖兒和李克勤於澳門開騷。香港文匯報訊 容祖兒同李克勤前晚在澳門舉行《容祖兒李克勤世界巡迴演唱會澳門站》，克勤父母、老婆盧淑儀帶埋兩個仔，祖兒媽咪同男友劉浩龍(師兄)，仲有周焯華(洗米華)都有去捧場，不過祖兒媽同師兄就分開坐。克勤表示自己的父母都係澳門人，而祖兒亦話佢媽咪都係澳門人，仲笑言自己係混血兒。
容祖兒唱《無人知道雙子座》後，自爆就快36歲，佢話唔避忌講歲數，因為自己年紀同外貌唔多似。
安哥時段，祖兒走近觀眾席問克勤囝囝想聽乜歌，囝囝話想聽《一生想你》，跟住又話要點唱畀今日42歲生日的周焯華(洗米華)聽，祖兒搞笑地稱對方為「洗生」，祝佢生日快樂，又讚對方係「澳門古天樂」。現場生日歌音樂響起，二人帶領全場唱生日歌，現場大銀幕影住洗米華，祖兒即笑洗米華：「佢面紅呀！祝你身體健康，連生貴子。」