香港文匯報訊（記者 梁靜儀）趙頌茹(Yu)昨日到電台接受吳綺莉(Elaine) 訪問，戴上墨鏡的阿Yu表示被女兒傳染，連續發燒了五日，更試過燒到三十九度，以致感冒菌入眼，令到眼睛又紅又腫睜唔大，所以暫時不能化妝。之前阿Yu充當裝修女師傅，為兩個女兒打造公主房，她透露裝修已完成，感覺好開心又好有滿足感：「屋企搞得好就唔想出街。」阿Yu早前指摘前夫周永恆到學校等大女兒放學嚇怕女兒，問到前夫可有再去學校？ 阿Yu不欲多談說：「唔答關於學校的事，唔想影響小朋友，怕影響學校就唔好，(有家長投訴？) 唔講關於這事，(女兒可想見爸爸？)所有關於佢嘅都唔講，不過可以透露係小朋友好開心。」暑假將至，阿Yu表示不會帶女兒出埠，會留港準備迎接新轉變，就是升小一。她謂女兒派了自己心目中的第一志願小學，希望給她過一個寧靜的暑假，用好健康的情感迎接新學年。
另外，吳綺莉近日被爆出以逾1,500萬元購入大坑偉景大廈一個單位，她更一筆過付款，認真富貴。昨日Elaine被問到買樓的事，她大方承認，並透露今個月中收樓，至於現居的大埔村屋是否放租則未決定。
吳綺莉大方認買樓
談到致富方法，Elaine說：「唔一定要買貴樓，之前在上海外灘買樓2,000蚊一呎，沙田都唔止啦，我又唔係買大單位，過兩年就一個Double。」她謂搬到市區是因為女兒兩年後去外國讀書，女兒叫她要對自己好一點，至於會去哪裡讀書仍未定，不過因去年發生很多事，女兒有幾個月沒上學，所以近日忙於追回功課進度。
身家豐厚的她，被問到可有嚇怕追求者？她否認自己富貴：「唔好玩啦，我想身材豐滿，(有無人追？) 返香港四年唔係無人追，但唔合心。」談到擇偶條件，她謂要有共同興趣、目標，心地要好，最緊要孝順父母。問到是否要過女兒卓林一關？她笑說：「個女唔係好理我，所以我要諗定後路。」