 放大圖片
■劉嘉玲接受主播許文軒專訪。
香港文匯報訊 劉嘉玲早前作客TVB娛樂新聞台節目《StarTalk》，大談藝術文化推廣的心得。嘉玲表示從兒時便開始接觸藝術，她說：「我細個時媽咪迫我畫畫，那時我唔鍾意，覺得好悶，但原來影響自己好深，如果我媽媽好似莫奈咁係印象派，可能我會覺得好好玩，以前勾唔到線條唔畀上色架！」嘉玲又說：「好似最近欣賞了莫奈展覽之後，我覺得做人有無限的可能性，不用跟風，人可以創造另一個領域出來。」問到嘉玲想創造什麼新領域時，她說：「最近我醞釀緊做導演，因為一路等唔到啱自己的劇本，我等唔切，我年紀唔細，想監製、導演和自演一套電影，做一套屬於我風格的電影，講我對呢個社會和愛情的睇法。」
嘉玲從未想過放棄事業，她說：「我覺得現在的年輕人太幸福，成日抱怨，唔識感恩，如果識諗呢個世界會好美好，我身邊的人三個月或半個月轉工一次，我一份工做咗三十幾年，所以要堅持，唔好放棄！（有冇試過有放棄念頭？）我冇，我只有累，想休息的時候，但冇諗過要放棄我的職業，好又有人講，唔好都有人話啦。」嘉玲笑說：「但我好鍾意同年青人一齊，佢哋有時亦會激勵我的想法，好似化妝咁，我喺班後生女身上學到好多新嘢。」
|
放大圖片
