今次沙田八草兩泥十場混合賽，田泰安多匹坐騎都有唔錯嘅爭勝機會，佢希望有好運氣，能夠連場入凱旋門。
上賽在田草千二米上陣嘅「靚猴王」，喺田泰安胯下跑入一席第三名，今仗在同程再戰，田泰安說：「馬兒以田草千二米嘅表現最好，三甲上名率好高，所以上仗返回同程角逐，賽前已預期會有好表現，但早前多戰表現一般，因此信心不大，幸好在末段可交出強悍嘅後勁，以短距離不敵頭馬，力保一席三甲，對牠的成績已感到滿意，希望今仗可以重啟勝門。」
剛戰首次角逐田草三班千四米，跑入一席第三，首次上名嘅自購馬「凝聚力」，今戰增程在千六米上陣，田泰安對馬匹嘅機會分析說：「此匹紐西蘭自購馬抵港後很快便適應本地環境，且很快便有好表現，剛戰在陣上受到擠碰，並且被帶出外疊競跑，形勢不利，仍能殺入圍，於末段交出凌厲嘅衝刺，已算交出水準。賽後復課，練馬師為馬兒加強操練工夫，並安排試泥地閘，有甚佳嘅走勢，進度更好，今仗路程加長二百米，以上仗喺末段嘅表現，路程是可以應付的，如發揮出水準，可進一步提升名次。」