雖然好多馬房喜歡用蔣嘉琦搏馬，但未必隻隻馬都啱妗o揮，即使放頭都好，小妮子只可以話稱職，絕對未能做到大師級水準。好似剛跑完嗰次夜賽咁，有兩隻馬倉主就係飛起小妮子補中，一隻係「歡喜」，告達理對蔣嘉琦相當器重，「牛魔王」交俾佢開齋成功，再出繼續俾佢騎，但隻「歡喜」上次由蔣嘉琦騎，有頭無尾，呢次轉手由寶遜跑，一放迄終輕勝而回，證明告達理換人正確。又好似「珍珠旺」咁，上次蔣嘉琦跑第三，今次搵到雷神出馬，結果殺敗蔣嘉琦隻「盈豐駿駒」，睇雷神段段騎，最後先至撻得起「珍珠旺」嘅布[，普通大師傅未必可以做到。所以，換蔣嘉琦再出嘅坐騎，只要眼見呢位小妮子發揮唔出水準，再出轉用另一類騎功比較紮實嘅大師傅，呢類馬就可成為馬迷發掘嘅寶藏。正如呢次姚廄隻「踏雪無痕」咁，上次由蔣小妹披甲，早段俾隻毫無機會嘅「五星特工」拍住鬥放，結果末段無以為繼只得第五名，呢次換上寶遜跑，呢位澳洲騎師，有機會再執多隻死雞，事關「踏雪無痕」之敗，同「歡喜」由蔣嘉琦跑輸嗰次有多少相似嘅情況，嗰次隻「歡喜」早段又係俾「實力飛駒」及「炸魚薯條」迫得急咗啲，末段變得無以為繼，今次「踏雪無痕」再次列陣，又係跑千四米，姚本輝相信亦睇到呢點，故決定用近期放馬屢建奇功嘅寶遜上陣。今次排得三檔嘅「踏雪無痕」，相信交到寶遜手上，會有唔同嘅表現，值得馬迷追多次。