■張繼聰香港文匯報訊（記者 梁靜儀）張繼聰(阿聰)、黃美棋、鄧洢玲及董嘉儀前晚到中環出席睇波活動 ，阿聰身為圈中籃球健將，他表示小時是喜歡踢足球的，但踢到十四五歲覺得不夠高，就去打籃球。他謂小時候會跟爸爸去睇波，現在兒子又會陪他一齊：「試過凌晨三點叫醒囝囝一齊睇皇馬對巴塞，個仔係鍾意C朗，結果皇馬輸，他喊住返房，可能有陰影，之後就無睇球賽。」
問到老婆(謝安琪) 會否一齊睇波？ 阿聰指老婆會陪個仔去學踢波，都是一個好的親子樂。問到他睇好哪支球隊可以捧走歐洲國家盃？阿聰笑說：「自己好黑仔，捧邊隊都會輸，亦唔會吹捧任何一隊，自己只睇波唔會去賭波。」
黃美棋坦言有與男友鍾健威一起睇「波」，她笑說：「我們睇另一種波，我們係睇七粒波，即係龍珠，我們會飲啤酒睇卡通，算是另一種浪漫，(可怕會酒後亂性？ ) 唔會，我們只係飲少少，Share一罐。」她又透露將於八月首次演出舞台劇，下個月又會同原島大地出席一個活動。問到是否她的男神？她即笑說：「男神只得一個，是我男友啦。」
