近年韓國賽馬加速發展，雖然暫難與日本媲美，但投注額已在亞洲地區中越升越有。南韓賽馬由韓國馬事會KRA主辦，屬政府監管機構，分布於首爾及釜山賽馬場，而濟州島則舉行小馬比賽，當地賽制上分為一至六班，有外國產亦有本土產馬賽事，全泥地每次約跑十二場，頭場開跑時間為上午十時左右。KRA全年舉辦五項本地一級賽，包括只供三歲馬角逐韓國打吡千八米總獎金約四百六十萬港元、九月首爾新設兩項邀請賽韓國盃千八米總獎金六百萬港元及韓國短途錦標千二米總獎金六百萬港元、十一月韓國總統盃二千米總獎金六百萬港元，而最後一項就係類似日本有馬紀念的格蘭披治錦標，於十二月唯一在釜山賽馬場上演一級賽，路程為二千三百米，總獎金同樣六百萬港元。據報香港「好好計」及「準備就緒」有意分途出戰兩項邀請賽，現時仍未出下季賽期，若然成行，而當日香港又有賽事的話，或有機會越洋直播。現時韓國最高評分都係六歲馬，首爾Wonder Bolt生於美國至今八勝，釜山Beolmaui Kkum 曾十五勝，當然近日各方的焦點都落在Power Blade身上，呢匹美韓混血兒以釜山為基地，至今七戰五冠兩亞，由千二贏到千八米，亦是上年當地最佳兩歲馬，話唔定將會係九月香港代表的最大敵手！
睇通睇透：韓國賽馬急速發展
2016-06-28
新聞排行
新聞圖片