■安仔（左）被子華弄得哭笑不得。香港文匯報訊 許志安早前為新歌《芝士》拍MV，請來「男神」黃子華參與演出，二人更在MV中扮演保安員，在沒有對白下不斷「爆肚」放笑彈，希望帶正能量予香港人。
知道要扮演懶惰保安員，子華未換衫埋位已經開始「入戲」，口裡一直咬着牙籤，還邊坐邊「印腳」。劇情講安仔四圍找尋正在偷懶瞓覺的子華起身開工，因為「許志安」快要舉行活動，子華接着「爆肚」：「哦！陳秀文條仔嘛！」安仔更正是「鄭秀文」，子華卻駁嘴：「黐線，鄭秀文係唱大戲㗎！我記得！」
問安仔為何請子華客串？安仔說：「今次MV導演係RubberBand嘅6號，歌詞都係佢寫，其中一句歌詞話『笑匠失蹤』，於是6號問我可唔可以搵到子華拍MV......」旁邊的子華未待安仔講完，便馬上插嘴：「我唔係第一次幫安仔，我呢世人未試過做演唱會嘉賓，又幫佢（指安仔）做嘉賓，MV又客串埋，但我要鄭重聲明，我係唔客串，唔好搵我客串，但偏偏又幫佢客串，點解呢？我一定係前世欠咗吽A借咗五両銀冇還到，今世要返嚟還，無可奈何到極。」其間工作人員問安仔結婚擺酒時可會請子華飲？安仔馬上語窒，子華乘勢大逼供：「你結咗婚咩？吓？佢唔答喎，我答囉『我未結婚』。」