■網民發帖批評他歪曲事實。「熱血公民」成員一向聲大夾惡，講粗口多過講道理。網上有人發帖，貼出一幅「熱狗」李政熙正在拍片的照片。發帖的網民指，一個懷疑有情緒病的小童在沙田宜家店舖內大發脾氣，身在現場的李政熙就趨前拍攝直播，當職員勸告他中止拍攝時就爆粗罵人。李政熙在fb稱自己「忍咗好耐」，又聲言當時目睹該小朋友「俾阿媽狂打」，結果被自稱身在現場的網民踩場，批評他歪曲事實。
繼粗口大罵在其居住大廈演習的警員後，李政熙又「獻新猷」。網民「Vincent Ho」在自己的fb發帖，「有個細路有情緒問題，俾個×樣直播，職員叫佢唔好影，我話叫報警，跟住佢×人老母，竟然係（喺）d（啲）仔女面前做d（啲）咁嘅野（嘢）！做家長做到咁，冇同情心，冇忍耐力，講粗口，侵犯人私隱，唔忍受不特止仲要拍片！」
「Vincent Ho」在原帖留言回應網民時又指，「我堅嬲，唔係佢×老母，因為佢有報應㗎，但人家小孩有病，大家唔可以忍受下？忍唔到可以搵職員，而唔係post人家的病態出黎（嚟）......我好明白個女人，做人父母，佢已經盡力控制個細路，佢冇唔理，氹、打、鬧、講、拉佢走，乜都試過，但個賤男仲用facebook直播。......睇下幾個人stop佢，佢仲要×埋其他人，我真係好擔心，佢點教佢的下一代！」
有網民一眼認出，該名拍片的「×樣」、「賤男」，就是「熱狗」李政熙。李當時原來在自己的fb直播，更以《蝗蟲死都要食雞翼之一群偽善嘅便宜英雄沙田狗》為題。片中拍攝一名胖小童大吵大鬧稱要吃雞翼，而其母多次揚聲喝止，其間曾拍打其手臂。其後，在有人勸李不要拍攝時，李就大講粗口。
稱「母親狂打仔」但冇片
李政熙聲稱自己之所以拍片，是因為該名小童「真係滋擾到我」，又稱「個老母狂打個仔」，「個小朋係承受左（咗）不必要嘅傷害」等等。不過，所謂「狂打個仔」，原來是「冇片冇真相」：「原來打仔果（嗰）段lag機冇左（咗）。」
一批「熱狗」信到十足，紛紛留言侮辱阻止李拍片的人。「Jerry Lam」稱：「好多港豬。」「Will Lo」更聲言，「依（𠵱）條片拍得好，睇×到香港人係點×樣。總之唔×關自己事，一關自己事就要自己企係（喺）道德高地。」他們更將發帖的網民「起底」。
不過，有自稱當時在場的「勇士」「Adams Chung」就到李的fb留言挑機，批評李歪曲事實，「你簡直係侮辱『本土』， 首先個小朋友唔係蝗蟲， 突然小朋友有問題你直播係咪對個小朋友造成一定傷害呀， 如果『本土派』係咁樣樣嘅話， 好簡單啫， 九月睇下你哋有幾多票囉！」
他直言，「其實係有人勸對母子， 甚至乎有人去同小朋友好細聲講野（嘢），母親亦都想帶個小朋友走，當睇直播你淨係睇到中間嗰度嚟又睇唔到前面到後面， 就覺得人哋個老母好有問題，但係人哋個老母事後喊又有幾多人知，我親眼就睇到佢喺個門口度喊，個老母已經要控制個仔仲要比（俾）人拍片，承受其他目光個老母好好受，你話我左膠又好乜都好我都係講道理！」
「熱狗」當然狂攻這名「勇士」。不過，歪曲事實咁又點喎？「熱狗」不嬲都係咁㗎啦！ ■記者 羅旦