■Brian的父親在70年代做熟食小販起家，目前已退休。Brian指不會放棄小食，未來有機會會再做。初哥巧避同業競爭 專研獨門雞湯湯底
「好多飲食業的朋友同我講做飲食，預咗要一年先有錢賺，即使回到本（營運上收支平衡）都算OK，但我唔想等咁耐，所以諗咗好多方法，結果3個月就有錢賺，據知隔離左右嗰啲都係一年先有錢賺。」於今年4月開業，主打創新健康雞湯米線的農米莊，總監劉廣威(Brian)接受本報專訪時表示，市面上很多人一窩蜂去做雲南米線及魚湯米線，所以想創新點，用雞湯加入其他元素煮米線，這亦是香港首創的。■文：香港文匯報記者 莊程敏 圖：張偉民 攝
Brian解釋，在2年前開始有這個意念，並找來了3位朋友合資，投資7位數字於旺角豉油街開設米線舖，雖然這條街已有不少米線連鎖店如譚仔及雲桂香，但他認為自己是主打健康概念，路線有別具競爭力。「以前做蜜糖(生意)嗰陣，喺醫院做promotion就成日見到形形色色的病人，覺得健康好緊要，所以諗咗好多以雞燉成的保健湯底。」他指，很多人抱有「出街食飯唔健康」的觀念，故他希望打造健康的飲食文化。
破「出街食唔健康」觀念
餐廳於今年4月開業，Brian形容開業的時間是一個很差的時機，除了香港剛經過小型的金融風暴，4月亦是傳統飲食業的淡季，旺角的自由行旅客又減少，經營環境相當惡劣，令開業第一個月出現嚴重虧損。
不過，Brian很快想出方法救亡。初時餐廳營業時間是中午12時至晚上12時，後來他想到開放早餐及宵夜時段，將營業時間改為早上7時至凌晨3時。早餐餐單除了普遍的沙嗲牛肉及雪菜肉絲麵，Brian亦花心思搞創新，加入芝士魚子及西班牙火腿等西式食材。另外，再增加了很多小食款式，在短短3個月內就新增十多款菜式，並將小食的相片陳列在門口吸引客人。
雞湯試味幾個月試到啱味
他亦加強員工培訓，教導他們熟記各種雞湯的營養價值，以便向客人推介，例如椰子是美容，黑蒜是抗氧化，藥材是養生等等。結果生意在第3個月終於有起色，更成功達到有利潤，較同業為快。
雖然生意成功扭轉劣勢，但其實Brian於飲食業只是「初哥」一名，他形容自己於整盤生意的角色是「編劇」及「監製」，大廚一職由自己從事酒店廚師的哥哥出任，「俾咗個題材佢(哥哥)之後，初頭都經過好多次失敗，覺得食落去唔係咁嘅味，試咗幾個月才試啱個味。」由於「咩都唔識，全部嘢都要靠自己上網找資料及問朋友。」單是開業準備就用了一年時間。
Brian表示，因為哥哥做開酒店廚師，所以入貨方面都有些門路；除了要上網周圍格價，亦要確保品質好，單是雞方面，就挑選了很多間，才選出最有雞味的品種。
冀以現代化生產管理小食
父母是在70年代做熟食小販起家，之後亦做到「上舖」，做了幾十年，雖然「賺到吓錢」，不過太辛苦，目前雙親已退休，Brian亦不打算繼續做小食，反而想自己開餐廳。但他補充：「唔會咁易放棄小食，始終係父母生意，未來都應該會做返，只是不會再沿用舊的營運模式。」他希望改為工場生產，店舖只作售賣，而且收費方面可以做系統化。
至於餐廳的發展大計，Brian希望未來可以設立「中央廚房」，以確保間間分店的食物質素都相同，因自己平時光顧一些連鎖食店，都發現間間的食物味道有差別。