香港文匯報訊（記者 植植）「宇宙最強」甄子丹太太汪詩詩聯同湯怡 (Kathy) 及英皇新晉歌手陳凱彤 (Lillian)出席代言護膚品牌活動，詩詩表示年紀漸大要開始保養，而平日工作繁忙，很少做運動，但由於事事親力親為，故也是另一種運動。汪詩詩說：「近日有看奧運，最愛看游泳，特別留意中國隊男隊員，覺得頗英俊，以及中國女泳手傅園慧，她很sweet。(兒子有運動天分？)也有，早前子丹在英國補拍電影《星戰》戲份，一家到當地探班，仔仔相當興奮即場耍功夫畀導演睇，佢真係大粉絲。(《星戰》推出預告片？)我睇到毛管戙，由細睇到大，感覺好奇怪又自豪。」
同場的湯怡少有地穿上低胸裙出席活動，她表示有機會跟汪詩詩一起工作感到很開心，因為覺得對方是一位賢妻，所以很喜歡她。問到是否也想做賢妻？湯怡稱每個女仔都想，自己亦慢慢開始學緊。湯怡透露有兩部電影劇本在手，問到可會演性感角色？她續說：「唔抗拒，女仔點都要有少少性感先吸引。（有冇底線？ ）三點不露。（男友洪卓立有冇唔畀你親密演出？）冇，以往拍親熱戲我仲激過佢，大家都係呢行，會信任對方。」