■惠英紅翻唱《我找到自己》。電影《幸運是我》將於9月8日正式上映。女主角惠英紅不單向母親借鏡，特別化老妝演活腦退化症患者「芬姨」一角，更會為電影獻出第一次開金口，以酒廊歌手造型獻唱經典作品《我找到自己》。
知道要開金口唱歌，紅姐非常緊張，她說：「拍攝前好小心保護自己聲帶，講嘢都特別陰聲細氣，又搵咗一位歌唱老師上咗10堂，希望唔會獻醜啦。」雖然紅姐初試啼聲備受讚賞，導演還希望推出電影原聲大碟，但紅姐耍手擰頭表示好尷尬，她說：「其實我一直有耳鳴問題，所以同一般人相比，我聽某一啲音頻係冇咁清楚，再加上音樂又唔係自己嘅專業。即使有啲優先場觀眾覺得我唱得幾好，我都唔係太敢相信......希望到電影正式上映，多啲人睇過、聽過，都覺得OK喎，先至考慮出碟啦！」