香港賽事向來以評分制作主導，簡單來說即係一磅等於一分，所以有磅減往往會着數好多，上季女見習生蔣嘉琦挾十磅優勢，首季便能取得三十七場頭馬，更成功贏得告東尼獎及當選最受歡迎騎師，成績斐然，至於師兄黃皓楠，在港季半的策騎時間中亦合共贏得三十一場頭馬，表現亦算理想。再加上新季回流香港的新見習騎師巫顯東，該三位見習生齊齊減磅上陣勢必掀起風雲抗衡一眾外籍大師傅。其實早幾年見習生之間的競爭性已經越來越低，由取消冠軍見習騎師獎一事便可見端倪，幸好近年馬會不斷安排學員回流，來季更會有三位見習騎師一同上陣，這肯定能令他們之間產生良性競爭並且進步。
新鮮出爐告東尼獎得主蔣嘉琦，上季豪奪三十七場頭馬後，只要多贏十三場便會成為五磅生，在暑假蔣嘉琦於南澳洲施達誠馬房客串一個月，希望騎者能夠把握今次的機會獲得更多經驗，令自己走位能夠更純熟，並且增進其於陣上的策騎技巧，為新馬季作好準備，裝備好自己。
新季馬會安排了新見習騎師巫顯東回港跟隨沈集成馬房，此子曾遠赴南非及新西蘭兩地受訓，合共取得四十二場頭馬，成績唔錯，據知沈集成亦歡迎其他練馬師借人，因為希望能為巫顯東增加更多策騎經驗，盡早取得在港首場頭馬打好基礎。
