第六場､第三班､一六五○米。「非常堅」前季來港征戰共累積兩W，翻看上季先在谷草一哩取得首捷，戰至季尾轉爭谷草二千二大長途，在紹仔胯下走三疊亦可爆出冷W。今次練者入紙報回谷草一哩，配蔡明紹執韁人馬夾檔，慎防冷門殺個措手不及。
第七場､第三班､一二○○米。「大運舞台」上季獲兩W兩P表現收貨，季初階段已在田草千四旗開得勝，打後戰至季尾由韋達接手喺田草一哩再添勝仗，至於今次航哥再報曾跑第三嘅窄場千二，找蘇狄雄上陣必有分頭，扒半冷門值得斟酌。
第八場､第二班､一二○○米。「開心神駒」五歲仔上季十一戰雖未有頭馬交出，惟首戰出爭一班田草千二殺入大冷位，可見現評八十四分喺二班打滾必有一定優勢，再看今季復課後備戰有板有眼，埋門韋達更喺晨課用心打磨，呢對騎練上季合作唔多亦有佳作，今次更抽埋二檔起步，是半冷之選。