鍾意刀仔鋸大樹馬迷專攻三、四重彩甚至六寶獎及三T向高難度挑戰，亦有馬迷喜歡簡簡單單玩WP。講到買WP，近兩年雄霸香港馬壇的莫雷拉（圖粉紅色綵衣），前季贏一百四十五場前無古人，上季更以驚人一百六十八場頭馬再刷新紀錄，小數怕長計，如果以十蚊長捧這位人氣王，究竟是贏是輸？莫雷拉自從大前季來港後，深受練馬師、馬主及馬迷愛戴，即使上屆最受歡迎騎師獎不敵蔣嘉琦，但小妹人氣爆燈，雖敗不辱，不過，作為近兩屆冠軍騎師，平均每季取逾百四場頭馬，但原來若以十元長捧莫雷拉WP卻要損手！翻查上季雷神合共出賽六百六十四次，每次投注十元W要六千六百四十元，就算收錢一百六十八次，累積派彩只得五千四百餘元，換言之要輸掉千一元，如果WP兼投，更要再輸多七百四十五元。換言之上季長捧莫雷拉WP，總共輸掉千九元，原來長買雷神會輸錢！長捧馬場二哥潘頓W又如何？單計上季，合共需要五千三百元本錢，最終輸九百三十元，即係你長跟兩大名牌都係蝕到怕怕！跑馬始終跑馬，長期追捧同一位騎師非明智欠理性，不過，如果仍想循這個投注方式贏錢並非無機會，但就要吼住客串騎師，上季為例，若長跟季中客串兩個月的貝諾華，最終可圖利一百八十五元，至於經常來港客串一天的布文，上季場場捧W亦賺一百零五元。