■郭偉亮早前與佳麗前往泰國拍外景。香港文匯報訊（記者 梁靜儀）ViuTV99台首個實況選美節目《美選 D.n.A》，昨日17位參賽者以Angel及Devil睡衣造型登場，其中3號、14號、18號因事未能出席。
主持兼評審郭偉亮（Eric Kwok）早前與佳麗前往泰國芭堤雅拍外景，他笑指見到一班女仔魔鬼的一面，不擇手段，爾虞我詐，睇到他與火火眼凸凸。
說到他被問到見到一班靚女可有心動時即答沒有，是否怕太太葉佩雯呷醋？他承認怕太太嬲：「由第一集拍到現在都好驚，每次返屋企太太問我『拍成點？』，我就話『唔得呀』，咁屋企嗰個安心啲，但愁緊同太太一齊睇節目時嘅反應，所以呢排成日幫手煮飯洗碗，驚佢到時爆血管。」Eric坦言已很避忌，但身體接觸一定有，有時難免過了火，而三個主持中，最好睇一定是他，因為他最尷尬。問到是否因此不准太太前往探班? 他笑說：「從來唔畀佢知我做乜，尤其係呢個節目，不過佢已好好，畀我做主持，佢知佢威力幾大，啲女士又進取，要無時無刻警惕自己，好彩係已婚嘅人，唔似方力申。」
2號陳意嵐大爆拍外景時佳麗鬧交十分激烈，個個都喊，更鬧到要停機，而她就做和事佬。問到鬧交時可有人爆粗？她說：「記得就冇乜，亦冇出手。」