■游BB「榮登」《時代》雜誌網頁，文章標題更抵死地意有所指。 網頁截圖「青山新症（青年新政）」游BB（游蕙禎）日前語出驚人，女仔之家在校園論壇大嘆「扑嘢（做愛）都無房」，除了在政界同網上翻起軒然大波，仲搞到一眾宅男「親衛兵」無限FF（幻想）。BB更加衝出國際，「榮登」美國《時代》雜誌網頁，文章更用「25歲香港立法會議員要求更多性愛空間」做大字標題。一眾網上花生友繼續大抽特抽，有討論區更搞了個民調，顯示過半數網民唔同意BB以性愛比喻香港青年「無生存空間」。網上群情洶湧，BB昨日一於避避風頭，在facebook講吓物業滲水，又聲言唔會同功能界別出身的立法會主席及財委會主席合作（見另稿）。 ■記者 陳庭佳
《時代》雜誌網頁前日有文章提到游BB用性愛講述青年問題，題為《A 25-Year-Old Hong Kong Lawmaker Wants More Space For Sex》（25歲香港立法會議員要求更多性愛空間），令人想入非非。作者借事件大做文章，聲稱近年香港民主自由被北京「打壓」下，新一代對未來政治前景「非常不安」，而大部分青年要和父母同住在狹小住宅內，「很小機會可以發洩。」文章又稱香港於性方面很保守，2008年有民調指過半年輕人對購買安全套感到尷尬，而同性婚姻等至今仍是邊緣議題。
中文系畢業俗過中學生
游BB衝出國際，不過，更多高登仔認為係「×出國際」。唔少巴打去高登討論區留名跟進，其中「華山派麻鬼鬼」覺得BB係「懶敢言」，「用一個極偏門嘅例子嚟講香港土地問題， 偏門到咁難免會覺得係佢自己想要。」「咸濕佬」就擔心佢「會都未開就×出國際，做多幾年會×出太空」。「貓多士永動機」質疑，BB在嶺大中文系畢業，不過在用字方面「仲衰過中學生」。
有高登仔就集思廣益，發揮嚇你一跳的創作力量同幻想，惡搞陳奕迅歌曲《Shall We Talk》成《Shall We 扑》，更有人自彈自唱深情演繹。
有巴打做埋考古學家，連日翻出BB的陳年舊相，發現BB有一段時期束短頭髮，樣貌同打扮同現時好唔同，有人就笑言這是BB的黑歷史。
「反映新一代不懂大體」
香港討論區前日則搞了個民調，問到網友同唔同意游BB用「扑嘢」比喻青年「無生存空間」，有差唔多5,000個網友投票，四成人同意，五成三人唔同意。
網民「Tellamah」慨嘆：「粗俗話人人識，問題是說話藝術應認清場合及怎樣表達，這正反映好像游的新一代文化低俗、不懂大體，令人失望，實屬可悲。」