「青山新症（青年新政）」游BB（游蕙禎）又講錯嘢！話說她前日出席一個論壇時，一開口就講「扑嘢都搵唔到房去扑」，有失尊貴議員兼「女神」身份。一向粗口爛舌的「熱狗」，今次又係私怨行先，文人雅士、道德判官上身，就連早前宣佈「退隱」的傻根（陳雲）也被引上水，令網民大嘆雙重標準。
游BB前日出席理大一個論壇，在總結發言時講到新來港人士及福利政策，聲稱特區政府「揼錢落海」，幫助不應幫助的新來港人士，而面對「不斷被縮窄」的生存空間，「一畢業出嚟就要還Grant Loan（學生貸款），我哋負擔唔起一層樓嘅租價，就算我哋要扑嘢，我哋都搵唔到房去扑！」BB此言一出，在場即有數名年長女士大嘆「好肉酸」，但她卻不以為然：「呢個係一個好現實嘅問題嚟㗎嘛！」
網上花生友熱烈討論，有人覺得身為候任議員要注意談吐。BB半夜三更出post（帖子）補鑊，稱「我們要的不止是一個扑嘢的空間，更是我們未來的出路」，更將房事扯到去九丈遠的主權問題，「重新選擇一個真正為自己開天闢地的民主政府。」
今次游BB又講錯嘢，「熱狗」自然咬住唔放。敗選後宣佈「退隱」的傻根，眼見抽水機會來了，自然姣婆守唔到寡，昨日在facebook連發兩帖，先轉載有關新聞，再附以一句「香港人的選擇」，再揶揄寧要BB不要「教主」的九龍西選民：「九西選民有眼光，選咗議員教扑嘢。」
一向支持「熱普城」的「神駒」仇思達，雖然出帖開口埋口都是粗口，但今次就一本正經炮轟BB：「『無地方扑嘢』不適宜用於正式場合，列作『土地不足』的例子。一般街坊街里、茶餐廳阿叔式喱民論政，攞出嚟當笑話講吓無所謂。但係（喺）公開論壇咁講，就有啲問題，畢竟呢句嘢嚴格來講，係屬於false statement（失實陳述）。」「KL Tam」就留言反諷：「一句『扑嘢』就好似照妖鏡咁，照到『本土派』嘅人有幾咁雙重標準。」 ■記者 陳庭佳