■右起：袁偉豪、王浩信、蕭正楠、歐陽震華與馬國明攞「我最愛TVB電視男角色獎」。 吳文釗 攝香港文匯報訊（記者 植植）《星和無綫電視大獎2016》前晚在新加坡舉行，入行14年的胡定欣首次成為「星和」視后，視帝則由陳展鵬及黎耀祥一齊瓜分，早前熱爆劇集《城寨英雄》成為了整晚的大贏家，一共囊括六個獎項，認真犀利！
新任「星和」視后胡定欣、視帝陳展鵬及黎耀祥在賽後齊齊受訪，追問陳展鵬和胡定欣兩人在台上公然打情罵俏，會否發展？兩人即扮傻，定欣說：「邊有打情罵俏呀？我們會繼續一齊拍劇囉！（鄭裕玲都以為你們真係一齊！）搞氣氛啫！（會否認真考慮發展？）有關係㗎咩？不過都好開心，《城寨英雄》有咁好成績，返去同監製文偉鴻有交代。」
祥仔直言意想不到出現雙視帝情況，他說：「都好開心！我第一次得星和視帝。」展鵬表示跟祥仔甚有淵源，「自己啱啱訓練班出嚟，就係同祥仔拍劇，之後返唔返嚟拍劇都有問對方意見。」展鵬則表示今次是頒獎禮首站，得到很大的鼓勵，希望再接再厲！