香港文匯報訊（記者 李思穎）方力申（小方）和鄧麗欣（Stephy）分手後，近日盛傳他與賭王千金何超蓮秘戀3個月，早前兩人到尼泊爾探訪被指一支水兩份飲，小方又為伊人按頸表現貼心，昨日小方出席活動時，跟超蓮口徑一致表示兩人是好朋友關係。
小方和鄭文雅昨日出席「港鐵競步賽2016活動」，鄭文雅甫見小方便上前恭喜：「恭喜你又拍拖，拍拖是好事。」小方頓時不知所措，傻笑說：「嚇死我呀。」
其後小方接受訪問時，大家同樣恭喜他，他展現出燦爛笑容：「都話唔係，我們是好朋友，之前一齊去尼泊爾探訪，（一支水兩份飲？）係兩支水，我有睇番片，唔覺得動作好親密，我假假地都去過美國留學一年，可能帶點鬼仔性格較open，引來大家誤會，都會收斂?，以後唔好咁熱情，（又幫超蓮按頸？）我以為這些動作唔係好親暱，都講話我係外國讀書，比較鬼仔性格，咁我以後唔會咁做。」
拒答實發展機會
有報道指小方帶超蓮出席男人聚會？小方否認其事：「其實超蓮好有心，知道我去探訪，便主動說跟我們一齊去，慈善都好需要公眾人物去宣傳，好多時看不出有多少人捱得苦，而超蓮就好主動話去，我有同佢講這次行程好辛苦，唔係住酒店，住在民宿、鐵皮屋，無得洗頭?涼，甚至連洗手間也沒有，要在郊外解決，但她都肯做，覺得辛苦先有體會，（G.E.M.介紹你們認識？）唔係啦，朋友咪朋友，（有否發展機會？）現在無，好朋友囉，（遲些會有？）遲些再講。」
去完探訪會否對超蓮加分？小方忍不住大讚超蓮：「覺得佢好有愛心，係好好女仔，好有上進心，佢正準備考碩士試。」他又不避嫌透露：「我們昨（前）日都有見面，成班朋友去飲?，大家是朋友，唔會因為報道唔見面，無需避忌，(係咪地下情？）都話係朋友囉。」
至於會否擔心舊愛Stephy看到報道後會胡思亂想？小方煞有介事道：「呢?你應該問佢，無得假設，都話係朋友，（Stephy早前生日去了台灣？）我唔知她去了台灣，有傳短訊祝賀她。」