■祖兒不介意戀情被擺上枱。香港文匯報訊（記者 梁靜儀）容祖兒（Joey）、郭晉安（安仔）、麥明詩（Louisa）、王浩信、朱千雪、朱晨麗及林雪等，前晚到電視城為遊戲節目《我愛香港》擔任嘉賓，玩遊戲時，主持曾志偉就叫Joey講出心聲便可，Joey就讀出：「師父師叔師兄，我鍾意師兄多啲囉！」雖然戀情被擺上枱，但她大方表示沒有不開心，但覺得有欠新意。
首次上該節目的Joey，受訪時表示特別以戰鬥格示人，之前更追看每集節目。代表灣仔區的她表示十八歲開始就在灣仔區蒲：「因為公司喺嗰度，十八歲前幾年我已經喺軒尼詩道出現，因為上一間公司亦喺嗰度有卡拉OK畀我練歌，所以好細個就已經喺灣仔出沒，同埋有時做騷都喺灣仔， 所以呢個地方同我幾有關係，即使我唔喺呢區住。」 問到她的初戀是否也在灣仔發生？Joey表示拍拖時有行過灣仔， 當時更會去睇家品，因為細個無特別娛樂，行街已是一大娛樂。 她笑說最鍾意行路：「我可以由深水埗行去尖沙咀，再搭船到中環再行，我最鍾意行路， 所以同我拍拖好易，同我行路就得，不過現在已經好少，除非喺外地。」她笑言試過發夢自己行街好開心，可以在寬闊的路行是自己的心願。
安仔當晚代表觀塘區，他表示以前最愛逛觀塘的裕民坊：「嗰度有個巴士站，用廿幾蚊就可以掃街，好似食自助餐咁，同埋舖頭又會播Beyond同太極樂隊嘅歌。」問到是否追女仔聖地？ 他笑指觀塘區有很多靚女，不過隨住前度過去已沒再去觀塘， 但現在對方變成怎樣已不知道。他指當時是入行前的女友， 拍拖多數去睇戲及拖手。
麥明詩澄清男友人非新歡
麥明詩近日先後兩次撞花座駕，她笑說：「人類總會重複犯錯，可能最近比較攰，有啲嘢開咗齋就無咁緊張，既然都已（撞）花過，所以現在仲未拎去整，第一次拎去整係因為勾起嚿鐵，驚刮到人。」 對於被網民質疑駕駛技術，她謂會盡量小心， 自覺整體來說都是安全，只是入停車場後易刮到牆。 問她會否找舊愛林作請教泊車技巧？Louisa說：「我諗住搵爸爸補鐘，可能我後生，年少氣盛，揸快咗。」
Louisa之前第一次撞花座駕後被踢爆是向林作借車， 她即表示自己的座駕出廠後已立即向對方還車。提到林作於網上留言稱：「I hate tesla」（即不喜歡Louisa的電動車品牌），她說：「我猜測係因為佢覺得電動車唔係車，想講出男人心聲， 但我覺得車行得郁就得，我亦無錢換車，做人專一啲好。」 談到她日前被影到和男性友人出席完萬聖節派對後在街上自拍， 問到對方是否新歡？Louisa即說：「如果自拍就係新歡， 咁食飯係咪大肚？」她覺得自己連累了朋友， 又澄清對方不是新歡，當晚只是和大學同學慶祝生日及萬聖節。