■Eason香港文匯報訊（記者 梁靜儀）陳奕迅（Eason）昨日出席廣告頒獎活動，但未有接受傳媒訪問。台上Eason又跟大家分享自己的創意，他笑說：「細個無錢買名牌波鞋，多數着白飯魚(白布鞋) ，於是就用筆在『白飯魚』上畫上自己喜歡的圖案，當時我係畫『三間』牌子，所以𠵱家好開心，做到真正代言人，唔係 hard sell，當時我係鍾意『三間』呢個牌子，又成日睇老夫子漫畫，都啟發到我靈感，唔使買，自己畫就可以。」
曾代言過多個品牌的Eason，認為作為代言人最重要是真心鍾意個產品，他說： 「要同產品做朋友，否則好難投入到，除非酬勞好豐厚，都要迫自己鍾意個產品。」他又笑指現在只得「三間」，笑言要檢討為何沒有高級品牌，好似梁朝偉的賭場、紅酒、手錶及汽車等找他拍廣告，為此他昨日特別着了皮鞋出席。問他想跟誰合作拍廣告？Eason說：「每個人心目中有自己的偶像、男神同女神，不過合拍廣告，可能暱在房內見唔到，尤其那些大牌，但唔係我，大家唔好誤會，我都係被人推入房。」Eason表示跟誰合作拍廣告也沒所謂，他就鍾意跟人互動，最緊要是廣告的構思。
另外，Rapper譚淇淇表示今個暑假，一個月內拍了十多個廣告，說到她豬籠入水，她也不否認：「要儲錢買樓，不過𠵱家樓價好貴，可能先同家人合資，搵到錢再買間dream house 自住。」