■安仔和阿King認為他們之間更有默契。香港文匯報訊（記者 植植）男子組合C AllStar最近成員4變2，陳健安（安仔） 和吳崇銘（阿King）飛甩釗峰和Jase，2人合唱新歌 《兄兄我我》，填詞人Wyman除了為歌曲命題，更改埋英文名「 Bromance」，顧名思義，這首歌主題講「男人的浪漫」。
日前安仔和阿King在足球場拍MV，其間他們大演腳法好威風， 豈料排排企在龍門前阻入球時，安仔慘被足球擊中「 小安」，他即時痛到成個彈起，按住下體踎在地上，又痛又尷尬， 身旁阿King立即上前安慰。
至於為何今次新歌飛甩其他兄弟？阿King笑說：「因為兩個人先至可以卿卿我我，今次MV好多造型， 除咗足球員look，另外仲有一幕係延續上次《聲音騷了》MV， 我哋再以『車房安』和『叉燒King』嘅造型亮相，一齊食豆腐火腩飯， 演繹男人的浪漫。」據悉，在C AllStar歌迷圈裡，安仔和阿King被配成「一對」，原來他們也知道。安仔說：「4個之中，我同阿King最早相識，大約2009年，釗峰和Jase係後來加入嘅『插班生』。」阿King說：「雖然我哋4個都好有默契，但我同安仔默契係高啲，可能因為有段時間住埋一齊，多一份生活上默契，喺台上一個眼神就知佢想點！」安仔強調：「我哋住埋一齊， 但唔同房㗎！」