【資料速遞】潘頓索騎天才爭盃

2016-12-09

今個星期屬全年馬季高潮國際賽周，海外賓客傳媒到港非常熱鬧，大賽氣氛日漸濃厚。葉楚航馬房「天才」上場在羅理雅胯下捧走二千米國際二級賽馬會盃，由於他停賽關係，無緣夥拍「天才」出戰一級賽香港盃，該駒帥權就落在鄉里潘頓手上。據練馬師葉楚航向傳媒透露，原來「天才」配搭有段故，話說潘頓、柏寶以及身處法國的紀仁安，都曾希望索騎「天才」，但葉楚航表示，「天才」贏馬會盃當晚潘頓即時向他索騎，比柏寶和紀仁安經理人更快，正所謂手快有手慢冇，於是便讓潘頓夥拍「天才」出戰香港盃，反映隻馬幾咁搶手。