■右起：彭健新、陳友、譚詠麟及葉智強食火雞預祝聖誕。香港文匯報訊（記者 梁靜儀）溫拿四虎譚詠麟（阿倫）、彭健新、葉智強及陳友昨日到九龍灣為明年1月7日於機場亞洲博覽館舉行的《溫拿太極演唱會2017》進行綵排。阿倫昨日自爆曾與無綫協商歌曲版權不下十次，但仍然無果，更火起表示：「諗起就嬲！」
陳友昨日因去錯地方而遲到，阿倫笑指他是盲公陳。綵排前眾人又舉行聖誕聯歡，大擦龍蝦、火雞。
首次與太極合作開演唱會，阿倫笑說：「兩隊band crossover要就到先得，佢哋練緊，今日我哋第二日練，聽日就開始空中練，佢哋練咗嘅whatsapp畀我哋，我哋練咗又whatsapp佢哋，然後各自對住whatsapp自修，係咪好高？到2017年就會一齊練。」
笑太極後背如流動字幕
昨日四虎獨欠鍾鎮濤（阿B ) ，阿倫指阿B現正身在烏魯木齊，在冰川上跑，但不知他做什麼。雖然阿B未有一齊練歌，但大家都不擔心，阿倫指大部分歌曲阿B以前在夜總會、酒吧登台時都唱過，駕輕就熟。問到阿倫是否已記熟太極的歌詞？他笑指不需要：「太極啲歌佢哋唱，我放暑假先練，太極人多可以喺背脊貼（歌詞），好似流動字幕，記英文歌詞反而冇問題，因為有故事可以跟。」健仔即笑指老花的就不好行太近。
提到日前無綫公佈周日晚的《萬千星輝頒獎典禮》平均收視有28點，成了近十年新低，當晚為對台ViuTV首個選美節目《美選D.n.A》擔任評判的阿倫說：「真係㗎？手板係肉手背又肉，我都唔知點算，但我唔知，無心之失。唔怪得ViuTV咁多高層嚟𥄫住我，又係咁叫我做評判。」他笑言無綫明年可以再邀請他，但要先搞掂歌曲版權問題：「不過唔好再搵我協商，我唔會做，已經超過十次嘅嘢我唔會再做，（傾過超過十次？）唔止，大大細細，連電話，唔會再講，諗起就嬲，（最嬲係同哪個高層傾？）咁你都跣到我？我咪同陳友一樣？蕩失路？」