籌款都有得減價？「青山新症」（「青年新政」）話畀大家知︰「有！」「青症雙邪」游蕙禎、梁頌恆早前發起「眾籌」，聲稱要籌500萬元用作訟費，但游BB早兩日在元旦遊行時稱，只籌得50萬元，並已用了絕大部分來支付律師費，而上訴至終審法院的160萬元保證金會「由零開始」，重新再籌，並以此下調為「最新目標價」，即相當於原來500萬元目標的「三二折」。不少網民紛紛質疑，既然160萬元都夠，之前點解要籌500萬元？直斥「青症」的「眾籌」根本是老千騙局，擺明為咗「Cap水（斂財）」。有網民甚至揶揄道︰「原來打官司都有價減，咁就簡單啦，再等多陣仲可以更平，到最後破產，免費！」
訟費如撞車黨有價講？
游BB元旦日凌晨喺facebook開心發佈自己跳「逃恥舞」嘅短片，同日下晝就去參加遊行，繼續講自己下調咗「目標價」嘅「眾籌大計」。親「熱狗」的facebook專頁「仇幼聯」昨日就喺fb發帖質疑︰「原來籌少啲都夠架（㗎）？早啲講丫（吖）嘛！」網民「陳洛生」亦話︰「啊，原來籌款目標係可以下調嘅。如果160萬（元）都已經夠曬（晒），咁點解要籌500萬（元）呀？ 如果一開始畀你得米，咁你咪淨袋340個（萬元）？呢啲唔係老千所為又係乜嘢？我諗起嗰啲撞車黨，老千瞓喺架車面前典來典去，話要一萬蚊醫藥費，之後司機要報警，老千話：五千蚊都殺啦。司機都唔肯畀，個老千就話咁你畀一千蚊我咪走囉。呢啲騙局係唔係好熟面口呢？但慘在香港豬夠多，橋唔怕舊。By the way ，呢頭話煩緊上訴，嗰頭又開開心心咁跳戀舞。喂啊（阿）哥！你咁happy（開心），唔覺你煩緊官司喎。」
揶揄等破產免費打官司
唔少網民都有相同睇法，「Kidd Ho」就揶揄道︰「原來打官司都有價減，咁就簡單啦，再等多陣仲可以更平，到最後破產，免費！」「Chow Man Bo Chow」亦話︰「呢班友真係做乜都好兒戲！」「Alan Liu」也說︰「跳可恥舞定時向波皮黨及no taste（冇品味）毒×派息，唔係點cap水？」「Chung Ho Yin」就抵死表示︰「拿拿拿（嗱嗱嗱）......益街坊！五百個（萬元）唔要你！四百個（萬元）！？四百個（萬元）都唔要你呀！百六！百六個（萬元）！送多隻開心舞俾（畀）你。」
有網民開始諗究竟點解「青症」要減價，「林方」推論︰「游妖精下調金額想盡快呃夠錢走佬，啲錢唔係打官司。」有人則「暢想未來」，「Flyson Liu」恥笑道︰「可憐嘅係，香港仲係傻×太多。期待佢哋出衆籌要您哋夾錢還人工。」「躺著也中槍！」就建議︰「老老實實俾（畀）我就一定逐個（反對派）議員點名叫佢地（哋）一齊夾錢，廿幾人月薪十萬連津貼過百萬，拎果（嗰）少少錢出來向釋法JR（司法覆核）會敢托手爭（踭）？」 ■記者 甘瑜