■長毛被彈搞棟篤笑。 fb圖片喂阿哥，你講笑咋嘩？宣誓玩嘢面臨被DQ（取消議員資格）嘅社民連「長毛」梁國雄為咗自保，竟然話要去選特首，質問其他候選人憑乜去DQ佢！呢兩日反對派圈子一直討論呢個咁驚天地泣鬼神嘅建議，有人支持長毛一於玩到底，同樣面臨被DQ嘅「香港眾志」主席羅冠聰就問網民有無得諗，但就話長毛選特首可以將「小圈子選舉」變成「一齣荒誕劇」，真係唔知佢想寸長毛定係個選舉制度嘞。有同道更加擺明唔撐長毛，叫佢唔好出嚟搞棟篤笑，仲攞返尨x公民黨主席梁家傑選特首係「民主罪人」呢件舊事嚟窒吽I ■記者 陳庭佳
話說前日「民陣」元旦遊行得嗰小貓三四隻，長毛喺遊行終點集會發言嗰陣，唔知想搞氣氛定搞笑，竟然講到如果自己「再俾人迫兩迫，我真係出嚟選（特首）。我要親口問佢哋，根據何經何典去DQ議員？」
佢之後接受反對派喉舌媒體訪問時，搲票搲到出晒面，話唔希望反對派選委喺特首選舉「造王」，叫佢哋投「白票」或「投給一個提倡香港人價值的特首」，仲話自己一向反對「小圈子選舉」，但如果覺得應該做嘅就會去做喎。
反對派選委票如「射落海」
羅冠聰當晚即刻喺facebook出post（帖文），問網民長毛選特首有無得諗，睇落好似好撐長毛，不過嗒真啲又好似鬼鬼哋：「假如我哋有一位候選人立場堅定，能夠無間斷狙擊建制派，踢爆『保皇黑幕』，將呢個『小圈子選舉』變成一齣荒誕劇，大家又覺得點？」有網民支持長毛去馬，亦都有網民覺得如果反對派全體支持長毛，300幾張選委票同射落海無分別。
工黨副主席鄭司律尋日喺fb寫文潑冷水，話「長毛出馬係爽皮的，但政治不是睇（棟篤笑藝人）林海峰。」佢話10幾年前反對派已經開始討論喺特首選舉攪局，「有人說要透過搞（攪）局來達致（至）『小圈子』制度的不堪，那難道現在我們都不知道『小圈子』制度的不堪嗎？我們這群人當然都知道『小圈子』制度的不堪，不用長毛出來再次提醒；而另外一些未被長毛提醒的市民，其實不會因為長毛出馬，而突然改變多年的觀感，轉而支持民主。我看不到有這樣的民?（意）逆轉。」
被回帶曾指參選是「罪人」
激進「本土派」博客林忌攞返10年前嘅舊事出嚟講：「有些說話你講大咗，就無得返轉頭。例如呢單──2007年長毛梁國雄斥責梁家傑參加『小圈子選舉』，係『民主罪人』；2017年你哋建議長毛選？玩咩？」
成日同林忌拍住上、自居「時事評論員」嘅黃世澤都話， 長毛如果真係去選係「自己攞嚟膠」，「特首候選人攞當年長毛反對梁家傑參選嘅理據嚟潤吽A長毛已經唔駛（使）狙擊落去，因為佢要浪費時間為當年自己做嘅辯護，仲要當年嘅戰友、（𠵱）家嘅敵人『熱普城』一定抽水，何必？」
網民揶揄攪局嘥票
Joe Chan Chung Wai：吓？之前何俊仁、梁家傑無試過咩？有咩效果？何必將300幾票射落海？諗下（吓）點用好過啦。
Tony Chan：唔支持，因為佢唔會搞（攪）到局，所以無謂浪費那些票！
Anson Liu：「小圈子選舉」本質不變，對結果有幫助咩？為「小圈子選舉」抬轎？
Tim Chan：「泛民」派人出選係最戇×。
Km Chan：鬧爆對手有乜用？啲票就是用來吐一口眼前氣？這是甚（什）麼政治技藝？宣誓事件一樣是吐一口眼前氣，換來甚（什）麼？這種方式可以推進香港甚（什）麼？
John Lau：做特首係咪唔可以住公屋？
Jlm Wing Man：百分百支持。好過棟篤笑，係另類娛樂。
Hin Hung Sammysir Tsang：咁佢快些出來選啦，最好當選埋，退出社民連，退埋間公屋出來，向（國家主席）習近平宣誓效忠中華人民共和國，委任激進「泛民」及非建制（中人）入行會同做司局長，熱切期待。
Lmk Bunbun：如中央玩大啲「畀」長毛佢當選，佢敢唔敢做？平時佢插人到時調返轉喎。
Pierre Carli：大家清醒啲，佢喺《矛盾》講多超過5分鐘就要出去煲煙。
李國國：長毛做特首幾好呀，如果你哋將來仲夠膽鬧特首，長毛就會同你講：我×你老×信唔信我搵啲兄弟打×你吖嗱？
資料來源：fb
整理：陳庭佳