香港文匯報訊（記者 梁靜儀）岑麗香（香香）與周國賢昨日銅鑼灣皇室堡出席《IMABARI BARYSAN 和風新春慶典》揭幕禮。婚後首次在港出席公開活動的香香，除獲周國賢送上圍裙、BB公仔禮物外，更大開金口現場演繹《一人有一個夢想》，表現有點緊張。
活動上，香香與周國賢要綁着手佈置桔樹，二人雖各已有另一半，但玩遊戲時卻十分合拍。之後周國賢又餵玩遊戲勝出的粉絲食湯丸。問到香香事前有否練歌？她說：「唱咗幾次，呢首歌歌詞較容易，都有少少緊張，我媽咪好鍾意鄧麗君嘅歌，所以都學咗幾首，都識《月亮代表我的心》。（老公強強有冇畀意見？）我今朝九點幾起身開聲同練習，佢聽咗幾次，都有讚叫我加油，其實佢都唔係好明廣東話歌詞，都唔知我有冇歪音、走音。」
香香又透露近日剛與老公去了台灣旅行，來一個小honey moon，問到香香今次再到台灣可有與強強在游水？她笑說：「今次冇游水，天氣凍，今次去台灣周圍食嘢。」香香又讚老公比她更快適應香港生活，暫時也沒有思鄉。問到會否在港補擺喜酒，香香表示不會了，因要花很多時間。當問到強強的姓氏，香香就避談，指他始終不是公眾人物。