■田蕊妮踢爆坤哥怕咗鄭嘉穎強勁的氣場。香港文匯報訊（記者 梁靜儀）無綫劇集《迷》將於下周一晚首播，並於昨日舉行記者會，有份演出的鄭嘉穎、田蕊妮、吳業坤(坤哥) 、賴慰玲、曾航生、簡淑兒、威利、泰臣及監製王心慰等亦有出席。阿田踢爆坤哥怕了鄭嘉穎的強勁氣場，問到嘉穎現實中是大男人還是小男人？他謂都是做回自己，不覺得是大男人。
《迷》劇是嘉穎離巢前最後一部劇集，他笑言今次拍得幾開心，可以跟想合作的人合作，是一個幾好的回憶，之後的宣傳活動有時間的話都會盡量配合。劇中嘉穎飾演小男人角色，同時又是一名重案組督察。阿田就笑說：「我都估唔到嘉穎可以做到小男人角色，因為佢平時氣場好勁，站於三呎沒人埋佢身，除咗我夠膽埋去，坤哥見到佢咩都凸出來。 」嘉穎解釋：「我都唔知點解，我什麼都冇做過，淨係唔出聲，咁我有咩問題呢？唔通唔出聲都不對？我無辦法，我唔出聲就係咁樣，唔通不停咁四萬，別人當我傻的。」不過阿田就笑指他鏡頭前就小男人，將氣場減少晒，鏡頭後他的氣場就出返來。問到嘉穎現實中是大男人還是小男人？他謂都是做回自己，不覺得是大男人。
今個農曆新年，嘉穎去了美國登台，他透露出發前與女友陳凱琳兩家人一起食飯，登完台返港也有去女友家拜年。
阿田過年飯局浪接浪
阿田表示新年期間放了三日假，但過年比返工還要忙，因為在家中除了招呼親友外，又開賭局，飯局一浪接一浪，雖然忙但好開心。阿田被問到她被拍到與近日傳出跟男友情變的唐詩詠，密會四小時，其間詩詠似向她吐苦水。阿田指經常都會與詩詠約食飯，剛巧大家拍完劇就約出來食飯，問到是否傾感情事？她說：「人生唔係淨係得感情，有工作、家庭、貓，傾四小時好小事，佢試過傾到在我屋企瞓。」問到可有傾到洪永城？阿田笑稱當然會有，甚麼都會傾，但自己比洪永城更重要，因自己多年來在詩詠身邊冇轉過。至於可睇好兩人的感情？ 阿田就說： 「我又唔係睇相佬，唔能夠預測。」
吳業坤對於阿田指他怕了鄭嘉穎，坤哥口窒窒地說：「係咩？嘉穎係一個好有威嚴的前輩，自己比較是好唔認真的人，唔識應對那種威嚴。」他又指其實嘉穎與他做對手戲時也有提點他，亦沒有鬧他，之前又引薦他拍《殭》，有一場戲要一次過拍一段長對白，當拍完後他叫大家拍掌鼓勵，是好正面的，只是自己的性格會怕好認真的氣氛，自己也要成熟一些。