■蔚雨芯以超性感打扮現身，而Jesscia則收起招牌「警鐘胸」，只露出香肩。香港文匯報訊（記者 梁靜儀）蔚雨芯(Rainky)與Jessica C.（JC）昨日到觀塘出席活動，有「魔鬼胸」之稱的Rainky以紅色Deep V裙超性感打扮現身，而已為人母的Jesscia則收起招牌「警鐘胸」，只露出香肩。受訪時Rainky被問到為何以長髮遮心口？她解釋不是刻意遮住：「係髮型師幫我諗，只係頭髮太長。（怕露點？）冇，我一向好穩陣，𠵱家我多數喺北京拍劇，同埋讀緊中央戲劇學院，所以返香港要氹吓小fans。」
說到她的性感打扮撼贏了同場的Jessica C.，她說：「我係香港女仔，佢係mix(混血兒)，兩個唔同範疇，我都有睇佢IG，頭先喺後台都有讚佢個女好得意。」問到她又可心急結婚生BB？她說：「唔心急，仲要學多啲嘢，慢慢來啦，要講緣份。」她承認有追求者，但暫時想拚搏多幾年，因她是九三年出生，現只得廿三歲， 事業為重，而且還未享受完單身。
剛由美國返港的Jessica C. ，透露女兒Tessa下月便一歲生日，屆時會留港慶祝，她表示因為安志杰（Andy）要拍戲，她就主力湊B。餵人奶的JC表示，見到女兒健康活潑，就希望將最好的給她，故未決定何時停餵。
對於被指打扮輸給了Rainky？JC帶笑說 : 「我唔介意，冇所謂，𠵱家我已經係唔同的Jesscia。(不想再性感示人？) 我唔介意要性感，但已經唔會放首位，以前我會想成為最性感，但𠵱家就冇所謂，因為已經做了媽咪，Andy亦唔介意我着得性感，最重要在我BB眼中贏了。」提及婚期，她透露會在十月行禮，預計會在美國舉行，返港再同朋友食飯慶祝。