【資料速遞】超然配韋達有驚喜

2017-02-28

近年唔少內地商人來港養馬，好似以八百五十萬購入「京京千里」劉玉文就係國內富豪馬主，講起內地馬主，又點可以唔提馬會北京會所所在地業主趙勇，佢名下「金龍」出戰泥地千八餐士唔錯，除趙勇外呢期仲有另一位北京猛人，仲要後生兼靚女就係「超然」馬主李思蓉囉，佢平時熱心公益，曾在北京香港馬會會所第八屆年度慈善酒宴，佢就用咗十九萬投咗拍賣品幫貧苦兒童的疾病救治或助學經費，難怪佢綵衣都用心心圖案啦，今季內地馬主手風咁順，「京京千里」已兩捷，「小米周」又贏過，今次李小姐「超然」話唔定帶來驚喜。