（第一場）「活潑飛揚」前次在同程只是影相僅敗屈居亞軍，取得來港至今的最佳名次，四歲質新分子已找到出路，復課備戰升級勇熟俱增，強配莫雷拉重遊舊地，相信已有足夠把握開啟勝利之門。
（第二場）「金像神話」評分減到過晒龍，除非本身真係一沉不振跑唔番，否則在現水平角逐已具討價還價條件，蓄銳而臨，慎防給殺個措手不及。
（第三場）「追風追月」賽前試泥閘贏俾你睇，似乎經已為今次轉場打了支強心針，而本身季內在三班總算識得上名，跑出水準，處於四班弱組夠用有餘。
（第四場）「和諧氣氛」剛戰復入前列，足證評分減至現水平已開始浮現競爭力，至今四次角逐泥地千八，獲冠亞季各一之佳績，賽績有根有據，值得追贏。
（第五場）「勇冠多」剛戰贏馬唔奇，但只係估唔到取勝姿態竟能如斯輕鬆，三歲仔進幅之大令人咋舌，勝後沿留原班優勢未失，乘勇可再斬四両。
（第六場）「紅運精彩」實力差不多見盡，惟本身卻勝在泥地一哩確路有專長，再加埋季內狀態長勇連拚並未疲，繼續保持水準，允屬前列分子。
（第七場）「鐵男」（圖灰衫藍間）剛戰檔曳形勢差敗績可抹去，畢竟季內在同程有贏有位，賽績絕對唔曳，今次檔位內移應該可以發揮出應有水準，值得再俾機會。
（第八場）「加州議長」較早前初跑同程即建功，當日能輕鬆拋甩今場另一對手「嫡愛寶」，賽績具指標性，四歲質新未見底，保持水準，力足再勝。