第六場､第三班､一六五○米。「勁精神」來港前曾於二千米二級賽尤金阿當錦標得季軍，屬高質貨色﹐可惜來港至今只得一席第三，該役就喺吳嘉晉胯下出爭二班泥地一哩，足證泥賽乃現時最佳出路，今次減夠分告仔報爭三班泥地同程，沿用晉仔抽埋一檔擺前放領，隨時叩響勝門。
第七場､第三班､一二○○米。「靚猴王」目前所累積的兩W皆在田草千二取得，反映性能獨沽一味，看上賽續配田泰安角逐谷草千二，臨場打到六十八蚊開跑，鞍上人沿途守在第五位，拉士力追跑入接近的第五，而今改配郭能轉戰泥地千二，話唔定轉場地之下會有更佳發揮。
第八場､第二班､一二○○米。「一哥」蘇廄中短途搵食馬，已取得八冠三亞一季佳績，而今季跑過八場取得冠亞各一，頭馬正喺此程後上殺退「添好運」爆出廿倍冷W。而今練者再報拿手途程排位又好，沿用潘頓操刀冷門在此。