香港文匯報訊（記者 梁靜儀）王敏奕（Venus）與蔡穎恩（Evelyn）昨日出席香水品牌。二人即場測試互相了解程度，結果雙雙過關，原來二人私下是閨蜜，雙方的男友更是工作夥伴。
問到會否找對方男友來「監視」自己的另一半？二人即異口同聲表示不會，Evelyn笑說：「有都唔講啦，可能佢哋互相搵我哋監視對方呢？我哋兩個都係宅女，Venus鍾意做運動同煮飯，我就喺屋企做瑜伽同煲劇，所以大家都有幾多共通話題。」Venus表示與Evelyn惺惺相惜，大家都有欣賞對方的作品。問到二人會否在睡房傾Girl's talk？Venus笑說：「呢啲都係中學時期做，都係約出去搵好嘢食，多數係傾工作辛酸事，（講吓男友？）我冇啲唔開心嘢分享，我一講身邊啲人就作嘔，叫我唔好再講，（晒命？） 我唔係晒命，我都係講事實，我鍾意同朋友分享開心嘢正能量嘢多啲。」說到她們如此好朋友，會否相約一起結婚？Venus對Evelyn說：「我應該未有咁快，我仲有好多嘢未做，如果要等埋我，可能會等唔切。」問到Evelyn是否好事近？她笑說：「我唔知呀，女仔好被動，如果強勢去求婚係另一個故仔，我哋未去到咁強勢（去求婚）。」