香港文匯報訊（記者 梁靜儀）衛蘭（Janice）、林欣彤（Mag）及菊梓喬（Hana）等昨日到九龍灣出席《平等機會多元共融行動2017》，一同宣揚種族平等共融的訊息。
剛由倫敦返港的Janice，表示此行去了拍MV一星期。說到她的身形胖了一點？Janice承認因天氣寒冷，所以吃多了。問到此行可有艷遇？她笑說：「冇呀，我都想，但冇時間，要做嘢，（可接受異地戀？）幾好呀，可能我又識講英文，會溝通得好啲。」她又稱與妹妹衛詩現時都沒有拍拖，要看時間和緣分，覺得現時的單身生活幾好。
Hana昨日獻唱電視劇歌《一輩子守候》，她表示近日正錄新歌，但未知是否劇集歌。問到可想拍劇？她說：「都想拍劇，想拍穿越劇，我係時裝人，好想試吓着古裝，我都有睇《步步驚心》，不過得好少係時裝。」問到會否向公司自薦拍劇？她卻說：「唔敢，仲係怕醜，新加入唔敢要求咁多，做好自己先，公司已經畀咗好多嘢我，唔敢要求咁多。」
Mag透露剛拍完劇集《老表，畢業喇！》，近日忙於練歌，準備3月首次到廣州的演唱會，問到是否攻內地市場？她說：「都想，當地粉絲都話想見我，我都想多啲見粵語區嘅粉絲。」