■慧妍雅集眾成員出席活動。香港文匯報訊（記者 梁靜儀）前港姐王愛倫、陳法蓉、劉倩婷、楊婉儀、莊思明及林其欣等，昨日到九龍塘出席《慧妍雅集35周年慈善晚會》記者會，路過的蘇施黃亦有上台支持。慧妍雅集信託委員會副主席王愛倫表示慈善晚會將於下月六日舉行，並會同步舉行慶祝活動，屆時有多位大師姐返來幫手，她笑指由1973年第一屆港姐至今，很多已經三代同堂。問到聯絡上可會有困難？她笑說：「有港姐之母Rosa（陳紫蓮）在，聯絡上唔難。(可有邀請朱玲玲出席？) ，佢都會出席，佢係永遠榮譽會長。」談到朱玲玲新抱郭晶晶再度懷孕，王愛倫表示自己剛由外地返港，也是從傳媒口中得悉。問到朱玲玲是否很開心？她笑說：「佢成日都咁開心。(可有見過晶晶？ ) 只係佢結婚時見過，（你恨唔恨抱孫？）未急住，我仲後生。」
林其欣身形發福不少
久未露面的林其欣，身形發福不少，她承認肥了少少：「階段唔同，開心咗，有時去旅行食肥咗，身體狀況OK，因為春天濕氣重，都有睇中醫調理。」提到她早前被拍到身形暴漲，被指患病？她否認有病：「可能有時角度問題，年紀大循環冇咁好，睇西醫檢查過冇問題， 係濕毒，可能以前拍戲日夜顛倒冇咁好，會慢慢調理返。」她又指朋友睇到報道都有WhatsApp她，但其實冇大問題。眼腫的她又否認甲狀腺有問題， 表示之後都會減肥。
林其欣又表示現時主要打理食肆及幫佛教活動做慈善，十年前曾擔任慧妍會長的她，透露今次負責幫慧妍搵贊助禮物，希望搵到精美禮品。問到會否再拍劇？ 她表示拍劇時間長，不考慮了，但有時間也會出席活動。